Jodel app’a bokte galgá boahtán áitta, politiijat dieđihedje buot Álttá nuoraidskuvllaid dan birra.
Jodel app’a bokte galgá boahtán áitta, politiijat dieđihedje buot Álttá nuoraidskuvllaid dan birra.
Álttá ráđđeolmmái Bjørn Atle Hansen dieđiha Altapostenii ahte sii duorastat čuovganeapmái ožžo politiijain dieđu ahte Jodel app’a bokte leat boahtán áitta. Politiijat dieđihedje buot Álttá nuoraidskuvllaid áitaga birra.
— Mii váldit ášši hui duođalaččat, ja mis lea lagas oktavuohta politiijaiguin. Dákkár áitagat leat šaddan “dábálažžan”, ja mii čuovvut politiijaid rávvagiid lohka ráđđeolmmái.
Áitta ii galgga leahkit duođalaš, ja ii leat jáhkehahtti ahte čađahuvvo. Hansen ii dieđe gii lea buktán áitaga.
— Beare árrat dadját maide gii lea čállán
Álttá nuoraidskuvllaid rektorat eai hálit kommenteret ášši. Leansmánni Øyvind Lorentzen muitala Altapostenii ahte politiijat leat stuora osiid ivttá beaivvis atnán guorahallamii. Son lohka ahte ii leat njuolgut áitaga birra sáhka, muhto dieđu birra mii sáhttá baldit.
— Mii loahpaheimmet dainna ahte ii leat duođas meinen áitit. Lea beare árret dadjat gii lea čállán dieđu muhto mii bargat ovttas bálvaluslágideddjiin dan gávnnahit.
— Olbmot fertejit jurdilit maid sii čállet, dákkár dilálašvuođain biddjojit stuora barggut johtui maiguin sáhttet stuora váikkuhusat loahpa Lorentzen.
