-Almmuhus-
OĐĐASAT Áitán báhčalit skuvllas

Áitán báhčalit skuvllas

-

-

Muhtin lea čállán áitagiid báhčaleami birra Östra skuvllas Johkamohkis. Lei disdaga go oahppit skuvllas gávdne teavstta skuvlla hivssegis gos muhtin lea čállán  «skolskjutning 27 eller 28 februari». 

Rektor Gunilla Silfverbrand muitala SVT Norrbottenii ahte politiijat leat leamas báikkis ja ahte leat dieđihan dáhpáhusa áittan. 

– Lea váttis jáhkkit ahte lea duohta áitta, muhto dat lea šaddame dábáleabbon, dadjá Gunilla Silfverbrand SVT Norrbottenii. 

Skuvlla rektor dieđiha maid ahte sii váldet áitaga duođalaččat eai ge bágge ovttage boahtit skuvlii.

– Olu váhnemat ja mánát leat balus, muhto mii joatkit doaimma nu go dábálaččat ja vuordit dieđuid politiijain, dadjá Gunilla Silfverbrand.

- Advertisement -
-Almmuhus-