Oslo gávpotráđđi ságastallá áinnas Sámedikkiin sámi guoskevaš virggiid almmuheami ja virgádeami birra.
Oslo gávpotráđđi ságastallá áinnas Sámedikkiin sámi guoskevaš virggiid almmuheami ja virgádeami birra.
Sámediggeráđđi lea reageren maŋŋel go Cizáš sámi mánáidgárdi virgádii dárogielat pedagogalaš jođiheaddji vaikke virgái ledje sámegielagat maiddái ohcan. Sámediggi lea guorahallamin ášši ja sámediggeráđđi Ann-Mari Thomassen dáhtu Oslo gielddain digaštallat dárbbu bures merket sámi guoskevaš virggiid giella- ja kulturgelbbolašvuođa gáibádusaiguin.
Loga maid: Imaštallá Cizáža virgádeami
Čađahit ságastallama
Oslo oahppo- ja oahpahus gávpotráđđi Anniken Hauglie lea guovddážis hábmet šiehtadusa Sámedikkiin. Son ii dáhto konkrehta ášši kommenteret go gávpotoasit ja mánáidgárddit dat fuolahit bargiid rekrutterema Oslo gielddas.
– Jus Sámediggi háliida prinsihpalaš digaštallama virgealmmuhusaid ja virgádemiid birra mat gusket sámi relevánta virggiide, de čađahat diehttelasat ságastallama boahtte ovttasbargočoahkkimis, čállá gávpotráđi čálli Morten Bakke teakstadieđus Ávvirii.
