Diibmá jápme 87 olbmo Norgga johtolagas. Vaikko logut leat vuollegaččat, de áigu ain luoddadirektevra bargat duođalaš johtolatlihkohisvuođaid eastademiin.
Dušše nuppes ođđasit áiggis jápme unnit go 100 olbmo johtolagas Norggas. Stáhta geaidnodoaimmahaga logut čájehit ahte dássážii leat duođaštuvvon 87 olbmo jápmán johtolagas. Dat lea 6 unnit go 2020:s, go 93 olbmo jápme johtolagas.
Ain buoridit sihkarvuođa
– Diimmá logut addet ain buori doaivaga, muhto mis ii leat oktage massit ja áigut ain bargat garrasit vai unnidit lihkohisvuođaloguid, dadjá luoddadirektevra Ingrid Dahl Hovland preassadieđáhusas.
Son muitala ahte 2021-logut leat veaháš bajábealde dan mii lea mearriduvvon ambišuvdnan, ahte eanemusat 50 jápminlihkohisvuođa galget leat Norgga luottaid alde jagi 2030:s.
–Dán rádjai leat 2021 logut mannan ovddasguvlui garrasit roasmmehuvvan olbmuid ektui maid, dadjá Hovland.
Davimus fylkkat guovtte geahčen skála
Nordlánda ja Vestfold ja Telemárku leat fylkkat gos jápminlogut njidjet eanemus. Goappašat fylkkain njidjet logut eambbo go beliin go buohtastahttá 2020 loguiguin. Vestfold ja Telemárkkus jápme viđas 2021:s ja 2020:s ges 13. Nordlánddas ges jápme golmmas 2021:s ja 2020:s ges ovccis.
Nuppe geahčen skála leat Romsa ja Finnmárku ja Vestland. Dain fylkkain jápme 2020:s guđas ja 2021:s ges logis.
Leat ain ovddalboahttin ja badjelluotta vuodjin mat leat eanemusat.
