Odne disdaga deaivvadii Porsáŋggu gielda Suodjalusdepartemeantta stáhtačálliin Øystein Bøain, gos fáddán lei suodjalus davvin.
Odne disdaga deaivvadii Porsáŋggu gielda Suodjalusdepartemeantta stáhtačálliin Øystein Bøain, gos fáddán lei suodjalus davvin.
Sátnejođiheaddji Aina Borch lohká Hálkavári báhčinguovlu ja Iŋggášguolban leat erenoamáš hárjehallanguovllut main leat unnit gáržžidus eará guovlluid ektui mii guoská hárjehallandoaimmaide.
Norgga ja lihtolaččaid dárbbuide leat dat mávssolaččat.
– Porsáŋggu gielda galgá ain leahkit verddegieldan Suodjalussii, Ruovttusuodjalussii ja lihtolaš hárjehallamii boahtteáigásaš suodjalusas, mii lea Porsáŋggus, lohká sátnejođiheaddji Aina Borch.
– Geasuheaddji guovlu
Borch lohká olámuttus infrastruktuvra nu movt hápman, girdišillju, soalddáhiid orrunsajit ja hárjehallanguovllut siskkobealde diibmobeale vuodjima, dagaha ahte lea geasuheaddji hárjehallat Porsáŋggus.
– Ráđđehus evttoha guhkitáiggi plánas joatkit Iŋggášguolbana váldobáikin «Alliert Treningssenterii». Dat lea buorre vuolggasadji nannemis suodjalusa davvin, lohká Borch.
Luohtehahtti suodjalus
Sátnejođiheaddji lohká jus galget leat jáhkehahttit iežaset lihtolaččaide NATO:s, de ferte dáhttu addit Suodjalussii eanet ja ođđa doaimmaid Iŋggášguolbanis.
Dan olis sáhttá lasihit mekánalaš soahtejoavkku dahje infanteriija-joavkku.
– Dasa lassin lea maid dehálaš ahte sihke siviila ja militeara gearggusvuhtii Finnmárkkus biddjojuvvojit doaimmat mat nannejit rekrutterema HV17:i. Ovttas HV17 ja ođđaálggaheami suodjalusas ja lihtolaš hárjehallamis, attášii vuođu luohtehahtti lassásuodjalusa gasku Finnmárkku, NATO rádjeravdi davvin, lohká Borch loahpas.
