-Almmuhus-
-Almmuhus-
-Almmuhus-
OĐĐASATÁin uđasvárra

Áin uđasvárra

-

-

Davvi-Norgga váriin lea áin olu muohta.

Norgga čázádat- ja energiijadirektoráhtta dieđiha preassadieđáhusas ahte olu báikkiin Davvi-Norggas lea áin uđasvárra.

Muohta ii leat buot báikkiin vuos suddagoahtán albma láhkái, ja dat dagaha uđasvára go de álgá suddat.

Go beaivváš ligge, de sáhttá njáhcu muohta fierralit. Danne lea ge maid váráleamos eahketbeallai vánddardit, go beaivváš lea ollen ligget muohttaga.

 

Garvit soames báikkiid

Jus olmmoš ii leat sihkar lea go uđasvárra guovllus gos vánddarda, de ávžžuha direktoráhtta garvit báikkiid mat leat ceggosat go 30 gráda, ja báikkiin gos sáhttá uđas fierrat.

Sii ávžžuhit maid garvit johkarokkiid, go doppe sáhttá soavleuđas, vaikko vel ii leat ceakkus

-Almmuhus-