Suohkanat leat sturron maŋŋel suohkanovttastuhttiimiid, muhto stuorámus suohkan Norggas lea ain Guovdageainnu suohkan iežas 9707 njealjádaskilomehteriin.
Gaskamearálaš areála gielddain mat ovttastahttojedje lea duppalaston, ja dál lea dat 1100 njealjádaskilomehtera.
Dan čájehit logut maid Statistihkalaš guovddášdoaimmahat (SSB) ovdanbuvttii vuossárgga. Gielddat ledje ovdal go ovttastahttojedje 435 njealjádaskilomehtera stuoru. Maŋŋá ovttastahttima leat dat gielddat badjel gaskamearálaš sturrodaga Norggas, go gielddat sturro 767 njealjádaskilomehteris gitta 910 njealjádaskilomehterii.
Ođđajagi molsašumis unnui Norgga gielddaid lohku 422 gielddas gitta 356 gildii. Ođđa Romssa ja Finnmárkku fylkkas leat stuorámus gielddat mihtiduvvon areála mielde, Innlandet fylka lea nuppi sajis. Stuorámus gielda Norggas lea ain Guovdageainnu suohkan sullii 9707 njealjádaskilomehteriin, ja unnimus lea Kvitsøy ja Utsira Rogalánddas 6 njealjádaskilomehteriin.
