Ain čuorbbit rehkenastit

Norgga matematihkkaráđđi fállá juohke nuppi jagi geahččaleami studeanttaide geat galget gazzat oahpu mas lea eanet go 60 čuoggá matematihkka.

Veahá čeahpibut

Dálá studeanttat leat veahá čeahpibut go ovddit studeanttabuolvvat, muhto dattetge leat ain čuorbbit, čájehit iskosiid bohtosat.

 – Maŋimuš jagiid leat bohtosat buorránan, muhto studeanttaid searvvis lea buoredanmunni, dadjá Norgga matematihkkaráđi jođiheaddji Brynjulf Owren Khrono nammasaš neahttasiidui.

Ráđđi lea čađahan geahččalemiid 1982 rájes.

Badjelaš beali čovdet

Studeanttaid máhtu mihtidit ovdal go álget oahpuide. Sii geat diibmá studeregohte nagodedje gaskamearálaččat čoavdit 52,8 proseantta rehketbihtáin.

Bohtosat leat buorránan guvttiin proseanttain guovtti jagis, dieđihit Norgga matematihkkaráđis preassadieđáhusa bokte.

Duođalaš dilli

Geahččalemiin birgelit siviilaingenievrra- ja siviilaekonomastudeanttat buoremusat.

Oahpaheaddjistudeanttat leat čuorbbimusat.

 – Iskkadeami heajos bohtosat leat jahkeviissaid čájehan man duođalaš dilli lea, dadjá Owren.