Yr.no neahttabáiki dieđiha ain bivvalis dálkkiid, muhto biekka, Sis-Finnmárkkus.
Lávvordatiđida lei Kárášjogas 13 buolašceahki, muhto dat galgá rievdat ja galgá fas bivaldit. Seamma dálkedieđáhus lea Guovdageainnus maid boahtte vahkku.
Sotnabeaivvi dieđihuvvo okta buolašceahkki Guovdageainnus, ja go geahččá guhkesáiggedieđáhusa, de oaidná ahte skábmamánu ii leat dieđihuvvon borga ja buolaš.
Disdaga dieđiha yr.no dán mánu galbmaseamos beaivvi Sis-Finnmárkkus, ja dalle leat dieđihuvvon 10 buolašceahki Guovdageainnus ja 13 buolašceahki Kárášjogas.
