Odne geigejuvvo mánáidkultuvrra stáhtabálkkašupmi Sámi rappárii Ailu Vallii.
Mánáidkultuvrra stáhtabálkkašupmi lea Suoma stáhta stuorámus bálkkašupmi, Ailu Valle (34) oažžu 30 000 euro (badjelaš 300 000 ruvnnu), čállá yle sápmi.
Ailu Valle ráppe davvisámegiela lassin suoma- ja eaŋgasgillii. Valle lea eret Ohcejoga Gámasmohkis, muhto orru dán áigge Anáris.
Guokte sápmelačča leaba ovdal ožžon mánáidkultuvrra stáhtabálkkašumi, soai leaba dáiddárat Merja Aletta Ranttila (1993) ja Inger-Mari Aikio (2015.
