-Almmuhus-
-Almmuhus-
-Almmuhus-
KULTUVRAÁillohačča maŋemuš girji jorgaluvvon eaŋgalasgillii

Áillohačča maŋemuš girji jorgaluvvon eaŋgalasgillii

-

-

«Eanni eannážan» lei dat maŋemuš girji man Nils Aslak Valkeapää čálii. Dál deaddiluvvo nuppes, ja eaŋgalasgillii maid.

Nils Aslak Valkeapää girji «Eanni eannážan» šattai su maŋemuš girjin. Almmuhuvvui seamma jagi go son jámii, 2001:s.

Dál leat Harald Gaski, Lars Nordström ja Ralph Salisbury jorgalan girjji eaŋgalasgillii.

Maiddái sámegielgirji deaddiluvvo ođđasit, 17 jagi maŋŋel go čálli jámii.

 

Nuppi girjji bealli

«Eanni eannážan» lea girjji «Beaivi, áhčážan» bealálaš. Girjjis leat divttat, govat ja molemat.

– Dát dáidda biddjon oktii duođašta Áillohačča erenoamáš bargovuogi, ja addá viidát ollivuođa mas eatnamat, šattut, eallit ja olbmot čudjet oktii, čállá DAT lágádus preassadieđáhusas.

Girjjis leat sihke Áillohačča iežas dáidagat, muhto luoikkahii maid govaid vuorkkáin ja eará govvejeddjiin.

-Almmuhus-