-Almmuhus-
OĐĐASATÁigu ovddidit johtolatsihkarvuođabarggu

Áigu ovddidit johtolatsihkarvuođabarggu

-

-

Dat suohkan gos buoremus johtolatsihkarvuohta lea, ánssáša bálkkašumi masa dál sáhttá nomineregoahtit.

– Báikkálaš johtolatsihkarvuođabargu lea dehálaš oažžun dihte johtolaga duššan- ja roasmmehuvvanloguid njiedjat. Das leat suohkanat dehálaš aktevrrat. Mii áigut danne bálkkašit suohkaniid mat lihkostuvvet dainna bargguin, dadjá johtolatministtar Jon Georg Dale preassadieđáhusas.

Bargu válljet dán jagáš johtolatsihkarvuođa suohkana lea jođus. Bálkkašupmi 2019:s lea miljovnna ruvdnosaš.

Ulbmil bálkkašumiin lea buoridit johtolatsihkarvuođa movttiidahttin dihte buoridit johtolatsihkarvuođa báikkálaččat.

Bálkkašupmi galgá geigejuvvot suohkanii čujuhit buori johtolatsihkarvuođa ja buriid plánaid ain ovddos guvlui.

Suohkanis galgá johtolatsihkarvuođaplána.

 

Nominašuvdnaproseassa

Johtalusdepartemeanta sádde dál bovdejumi fylkkasuohkaniidda ja dáhttu sin nomineret ovtta dahje guovtti suohkana gos lihkostuvvat johtolatsihkarvuođabargguin.

Lea Stáda geaidnodoaimmahat mii hálddaša ortnega ja mii jođiha dan nominašuvnna viidáset.

Johtalusdepartemeanta mearrida loahpalaččat, ovttasráđiid johtolatsihkarvuođa gulahallanlávdegottiin. 

 

Ovddeš bálkkašupmevuoitit

Dán jagáš bálkkašupmi lea gávccát bálkkašupmi mii juhkko.

Diibmá geigejuvvui dat bálkkašupmi Fredrikstad suohkanii, 2017:s Kvinesdal suohkanii, 2016:s Ski, 2015:s Áltái, 2014:s Bådåddjui, 2013:s Austrheim ja Lindås ja 2012:s Nøtterøy.

-Almmuhus-