Trøndelága Stáhtahálddašeaddji dieđiha ahte geassemánu álggus lágiduvvo badjeolbmuide ja boazodoalohálddašeaddjiide konferánsa. Konferánssas leatgalget ságastallat áigeguovdilis áššiid ja movttiidahttit ođđa ealáhusaid hutkat.
Konferánsa lágiduvvo Stjørdal báikkis geassemánu 9. ja 10. beaivvi 2022, dieđiha Trøndelága Stáhtahálddašeaddji preassadieđáhusas.
Ságastallamis leat fáddán earret eará boazodoallošiehtadus 2022, orohagaid ovddasvástádusa ja iešstivrejumi vejolašvuođat ja dárbbut, maiddái ráđđádallangeatnegasvuohta ja maid dat mearkkaša.
UiT – Norgga árktalaš universitehta professora Øyvind Ravna muitala fas maid Fosen-duopmu mearkkaša boazodoalloguovlluid sisabahkkemiid ektui.
Maiddái boraspirehálddašeami birra ságastallo. Boazodoalu vásáhusat gáhttejuvvon guovlluin ja hástalusat dan dáfus. Loahpas lea HMS dahje dearvvašvuohta, biras ja sihkkarvuohta sihke bohccuid ektui, muhto maid boazodoalliid dahje badjeolbmuid ektui.
