Kristtalaš álbmotbellodat áigu rievdadit ja čavget borgguhanlága.
Kristtalaš álbmotbellodat áigu rievdadit ja čavget borgguhanlága.
15 jagi áigi dassái go dalá dearvvašvuođaministtar Dagfinn Høybråten árvalii borgguhangildosa olgobáikkiin, de oaivvilda Kristtalašálbmotbellodat ahte dál lea fas áigi viiddidit borgguhangildosa.
Ođđa gielddus
Dál lea lohpi olgun borgguhit, muhto dat ferte várra fargga rievdaduvvot máŋgga sajis, jus Kristtalaš álbmotbellodat oažžu dan čađahuvvot.
Kristtalaš álbmotbellodaga nubbijođiheaddji Olaug Bollestad oaivvilda ahte dál lea áigi viiddidit borgguhanlága, ahte borgguhanláhka galgá guoskat olggos maid, vai olbmot geat eai borggut dárbbaš vuoigŋat duhpátsuova.
Ruoŧa árvalus
Bearjadaga árvalii ruoŧaráđđehus ahte borgguhangielddus galgá guoskat maiddái olgun almmolaš sajiin geahččalan dihtii geahpedit borgguheame.
Ruoŧa ráđđehus áigu gieldit borgguheame almmolaš sajiin, nu mo duhkoraddansajiin, valáštallansajiin, olgodárjjodanbáikkiin, busse- ja toga bisánansajiin.
Dál go Kristtalaš álbmotbellodat ovddida borgguhangildosa, de áigot árvalit gildosa diekkár sajiide maid ruoŧaráđđehus lea dahkan.
