-Almmuhus-
OĐĐASATÁigot nannet ohppiid rivttiid

Áigot nannet ohppiid rivttiid

-

-

Ráđđehus áigu geatnegahttit skuvllaid intensiivvat oahpahit mánáid jus mánát orrot bázahallame skuvlabargguid dáfus. 

Ráđđehus áigu maid geatnegahttit skuvllaid ovttasbargat eará suohkanbálvalusaiguin. 

– Go skuvllas lea čielga ovddasvástádus, de nannet maid oahppi skuvladili, lohká máhttoministtar Jan Tore Sanner preassadieđáhusas.

Ráđđehusa láhkaevttohusas čuožžu ahte skuvllain galgá geatnegasvuohta čađahit intensiiva oahpahusa ohppiin gii orru bázahallame skuvlabargguin. Láhkaevttohus sáhttá doaibmagoahtit čakčat, ja gusto 1. – 4.luohká mánáide. 

– Mii oaidnit ahte lohkan-, rehkenastin-, ja čállinhástalusat sáhttet vearáskit jus dan ollejit. Dan mii fertet bissehit. Skuvllat dustejit intensiivaoahpahusa hui iešguđetládje, ja dárbbašit čielgaset rámmaid vai juohke oahppi oažžu buoret oahpu, lohká Sanner. 

 

Geatnegahttán ovttasbargat

Láhkaevttohusas čuožžu maid ahte skuvllat geatnegahttojit ovttasbargat guoskevaš suohkanlaš ásahusaiguin go galget árvvoštallat ja čuovvulit mánáid geain leat váttut. 

-Almmuhus-