Golbma aktevrra mannan oktii čalmmustahttit čovdosiid mat leat ásahuvvon Davvi-Norggas.
Arctic Frontiers čállá preassadieđáhusas ahte sii bovdejit ovttas Girkonjárggakonferánssain ja High North Dialogue seminárii gos galget digaštallat movt davviguovlu sáhttá váikkuhit riikka ekonomiijai ruoná nuppástuhttimiin.
– Hurdalvuogádagas deattuhuvvo ahte davviguovllut leat Norgga deháleamos strategalaš áŋgiruššanguovllut. Mii geat orrut davvin oaivvildit ahte davviguovllut sáhttet váikkuhit čovdosiidda mat šaddet buorrin olles Norgii, čállá Arctic Frontiers.
– Seammás bidjá ođđa ráđđehus návccaid ahte mii Norggas galget bargat olahit dálkkádatmihttuid.
Danne bovdejit seminárii Osloi skábmamánu 25. beaivvi gos áigot čalmmustahttit buori ovdagovaid ruoná čovdosiid maid ealáhusat Davvi-Norggas lea ásahan.