-Almmuhus-
-Almmuhus-
OĐĐASAT Áigot hukset stuora ovttas­bargo­šaldi Arktisis

Áigot hukset stuora ovttas­bargo­šaldi Arktisis

-

-

Vaikko lea ráfehisvuohta ja eahpesihkarvuohta lassánan máilmmis, de lea Arktisis ráfi ja buorre gaskavuohta. Arctic Frontiers lea konferánsa man bokte huksejit ovttasbarggu riikkarájiid badjel.

Guovvamánu 1. beaivvis 4. beaivái lágiduvvo Arctic Frontiers gos 180 ođđa dutkama almmuhuvvojit seammás go digaštallamat lágiduvvojit servvodatovdáneami ja ceavzilvuođa birra Árktalaš guovlluin, dieđiha Arctic Frontiers preassadieđáhusas. 

Ministarat, dutkit, ealáhusjođiheaddjit, eamiálbmogat, jurddabeasit ja earát deaivvadit digitála čoahkkimii mii bistá njeallje beaivvi ja ovttasbarget riikkarájiid badjel davvin. Dán vuoru lágiduvvo konferánsa 15. geardde.

Ságastallamat galget leat rahpasat ja hukset ovttasbarggu olbmuid ja riikkaid gaskkas Arktisa ceavzilvuođa dihte. 

-Almmuhus-