Equinor lea pláneme hukset máilmmi stuorámus áhpebieggamillopárkka Davviáhpái.
Equinor lea ožžon šiehtadusa ovdánahttit golbma stuorra áhpebieggamilloprošeavtta Doggerbank báikkis, Davviábis. Párka šaddá ge máilmmi stuorámus.
– Máilmmi stuorámus áhpebieggamillo huksen lea okta loaddaearru min áŋgiruššamii áhpebieggamilluide, ja dát lea mielde nannemin Equinor viiddes energiijafitnodahkan, dadjá Equinora konseardnajođiheaddji, Eldar Sætre, preassadieđáhusas.
4,5 miljovnna brihtalaš ruovttuide
Doggerbank báikái, mii lea 130 kilomehtera nuorttas Yorkshire-rittus, boahtá šaddat máilmmi stuorámus áhpebieggamillopárka, mii lea áhpebotnis gitta. Párkkas boahtá leat 3,6 GW kapasitehta. Áhpebieggamilluid leat rehkenastán addit el-rávnnji 4,5 miljovnna brihtalaš ruovttuide, ja boahtá gokčat 5 proseantta Storbritania fápmodárbbuin.
Equinoras lea brihtalaš SE Renewables ovttasbargoguoibmi dán prošeavttas.
(©NTB)
