-Almmuhus-
OĐĐASATÁigot hehttet bohccuid rasttildeames ráji

Áigot hehttet bohccuid rasttildeames ráji

-

-

Norgga ráđđehus lea sádden evttohusa Stuoradiggái šiehttat áidekonvenšuvnna Suomain.

Ráđđehus lea sádden Stuoradiggái ávžžuhusa šiehttat boazoáidekonvenšuvnna Suoma ja Norgga gaskka. Stuoradiggi lea maid sádden evttohusa rievdadit boazodoallolága mas boazoáidekonvenšuvdna maid namuhuvvo.

 

Konvenšuvnna ulbmil

Konvenšuvnna sisdoallu lea áiddiid ceggen ja divodeapmi, ja eará doaimmat mat hehttejit bohccuid rasttildeames ráji. Konvenšuvnna vuođđu lea ahte Norgga ja Suoma rádji lea giddejuvvon boazodoalu rádjerasttildemiide.

Konvenšuvnna ulbmil lea juogadit ovddasvástádusa áiddiid ceggemiidda ja divodemiide, ja eará doaimmaide mat hehttejit bohccuid rasttildeames ráji.

 

Kommišuvdna

Boazoáidekommišuvdnii galget nammadit guhtta olbmo geain lea ovddasvástádus gozihit áiddi ceggema ja divodeami. Kommišuvnna jođiheaddji galgá jođihuvvot vurrolaga Norgga ja Suoma gaskkas.

Konvenšuvdna doaibmagoahtá go Stuoradiggi ja Suoma Riikabeaivi leat dohkkehan ovttasbarggu. Nu čállá ráđđehus ruovttusiiddus.

-Almmuhus-