-Almmuhus-
-Almmuhus-
SMÁVVAOĐĐASATÁigot gieldit el-sihkkeliid vázzin­geainnuin

Áigot gieldit el-sihkkeliid vázzin­geainnuin

-

-

Maŋimuš jagiid leat vásihan el-sihkkel geavaheami johtolagas, ja vázzingeainnuid alde leamaš olu riidu. 

Čájehuvvo maid ahte gevvet olu lihkohisvuođat daid geažil. Sihkarastin dihtii oadjebas johtolaga, de lea buoret ahte el-sihkkelat maid biddjojit biilaovddasvástádusláhkii, lohká johtolatministtar Jon-Ivar Nygård

Johtolatdepartemeanta lea bivdán Stáhta geaidnodoaimmahaga sáddet evttohusaid gulaskuddamii mas čavget smávva el-vuojániid geavahannjuolggadusaid johtolagas. Gulaskuddan čuovvola juo mearriduvvon rievdadusaid, nu go 0,2 promillarádjá, biddjo dál mohtorvuojániid searvái, ahkemearri unnimus 12 jagi ja jealbmagáibádus mánáide gaskal 12-15 jagi, čállá departemeanta ođasdieđáhusas.

Gulaskuddama evttohusat:

• gieldit geavaheames vázzingeainnuin.

• el-vuojánat galget maid biillaovddasvástádusláhkii.

• Seamma njuolggadus go vuodjá mopeda juhkanvuođas. 

• Vuojániid merket vuojánregisttarnummariin, ođđa geaidnomerkensymbola ja smávva el-vuoján láigohit.

Mearriduvvon njuolggadusat biddjojit fápmui dán giđa. Jurdda lea ahte dát evttohusat maid biddjojit fápmui seamma áiggi. 

Gulaskuddama gávnnat dás:  vegvesen.no

-Almmuhus-