Sihke skuvllat ja politiijat duođaštit ahte ii leat eahpedábálaš ahte narkotihkka vuvdo skuvlla lahkosis ja ahte oahppit leat gárrendilis joatkkaskuvllain.
Sihke skuvllat ja politiijat duođaštit ahte ii leat eahpedábálaš ahte narkotihkka vuvdo skuvlla lahkosis ja ahte oahppit leat gárrendilis joatkkaskuvllain.
Dán vahkku lea Justiisa- ja gearggusvuođaministtar Anders Anundsen álggahan kampánja oažžun dihte narkotihkkaskeahtes skuvllaid.
Buot 12 politiijaguovlluin Norggas galget politiijat finadit muhtin joatkkaskuvllain, ja juohkit dieđuid vai hehttet mánáid ja nuoraid geahččalit narkotihka, dieđiha Justiisa- ja gearggusvuođadepartemeantta neahttasiiddus.
Rievttes dieđuid juohkit
– Mis lea bággu eanet návccaid bidjat vai hehttet nuoraid geahččalit narkotihka ja muitalit makkár heajos váikkuhusat narkotihkkageavaheapmi sáhttá mielddisbuktit. Lea dehálaš juohkit rievttes dieđuid nuoraide, nu ahte sis lea ágga hilgut narkotihka, ja ahte sii ipmirdit váikkuhusaid jus válljejit boastut, muitalii Justiisa- ja gearggusvuođaministtar Anders Anundsen.
Várra oažžut sivaid
Badjel 20 proseantta bártniin goalmmát luohkás joatkkaskuvllain leat geahččalan háša dahje marihuana. 14 proseantta nieiddain leat geahččalan.
– Lea dehálaš ahte mii vuoruhit eastadeami. Erenoamážiid skuvllas, váhnemiin ja politiijain lea ovddasvástádus. Nuorain geat geavahit narkotihka lea stuorát várra oažžut hui duođalaš fysalaš ja psykalaš sivaid, dadjá Anundsen.
