-Almmuhus-
OĐĐASATÁigot eambbogiid suovvat gednet ráŋggáštusa ruovttus

Áigot eambbogiid suovvat gednet ráŋggáštusa ruovttus

-

-

Sii geat dubmejuvvojit rihkkus daguid ovddas galget sáhttit gednet ráŋggáštusa juolgeviđjjiin ruovttus, evttoha justiisa- ja gearggusvuođaministtar Per-Willy Amundsen (Frp).

Evttohusas lea juolgeviđjegednen guovddážis sidjiide geat leat ožžon duomu mii lea vuollel guhtta mánu. Seamma evttohuvvo sidjiide geat leat giddagasas ja lea báhcán guhtta mánu vel gednet.

Dál lea rádji biddjon sidjiide, geain lea duopmu, mii lea vuollel njeallje mánu.

 

Unnit várra máŋgii rihkkut lága

– Leat buorit vásáhusat, muhto mun deattuhan ahte dát evttohus ii leat sidjiide geat leat dubmejuvvon olmmošgoddimis, veagalváldimis, garra veahkaválddálašvuođas ja mánáid illasteamis, lohká Amundsen.

Son lasiha vel ahte sis, geat eai gedne duođalaš rihkkosášši ovddas, lea unnit várra nuppes bargat dan seamma go gednejit juolgeviđjjiin.

 

Dárkkistit buoret

Departemeanta evttoha maid ahte kriminálafuolahus galgá sáhttit geavahit GPS, suorbmamearkkaid, ámadaju dovdama ja alkoholadárkkisteami go lea dárbbašlaš iskat ahte son gii gedne iežas duomu, doalaha eavttuid mat leat, vai sáhttá ruovttus gednet viđjjiin.

(©NTB)

-Almmuhus-