-Almmuhus-
OĐĐASATÁigot ealli gávpogiid ja doaresbeale báikkiid miehtá riika

Áigot ealli gávpogiid ja doaresbeale báikkiid miehtá riika

-

-

Odne bidjá ráđđehus ovdan oktasaš dieđáhusa Stuoradiggái nanaguoddevaš gávpogiid ja nanu doaresbeale báikkiid birra. Dieđáhusas ovddiduvvojit doaimmat mat galget sihkkarastit ovdánanvuoimmi, ovttadássásaš eallinbirgenlági ja nanaguoddevaš guovlluid miehtá riika.

– Guhká lea almmolaš digaštallan báidnojuvvon dainna ahte gávpogat ja doaresbeale báikkit biddjojit vuostálaga. Mun oaivvildan ahte dat lea áibbas boasttu geaidnu. Mii dárbbašit sihke nanaguoddevaš gávpogiid ja nanu guovlluid sihkkarastin dihte boahtteáiggi buresbirgejumi, dadjá gielda- ja ođasmahttinministtar Jan Tore Sanner.

 

Resurssat miehtá riika

Dát láhčá dili bisuhit ássanmálliid váldodovdomearkkaid ja ráhkadit ealli báikegottiid gos leat sihkkaris barggut miehtá riika.

– Olu dain min deháleamos resurssain Norggas leat doaresbeale báikkiin, seammás go mii dárbbašit gávpogiid innovašunvuoimmi ja máŋggabealatvuođa. Gávpogat ja doaresbealde báikkit dárbbašit guhtet guimmiideaset. Danne lea mis beroštupmi dasa movt mii sáhttit nannet ovttasdoaibmama gaskal gili ja gávpoga, dadjá Sanner.

 

– Heaitit bidjat vuostálagaid

Norggas leat deaŧalaš resurssat miehtá riika. Mis leat gávpogat doaresbeale báikkiin ja doaresbealde báikkit gávpotregiovnnain.

– Jus mii galgat suddjet buresbirgejumi, ráhkadit boahtteáigásaš bargosajiid ja ávkkástallat ovdamuniid mat leat Norggas, de mii fertet ovttastallat. Mii fertet heaitit bidjame gávpoga ja doaresbeale báikkiid vuostálaga, dadjá Sanner.

 

Ealli báikegottiid miehtá riika

Dáinna ráđđehus ovdanbuktá politihka mii nanne nuppástusgálgga bargoeallimis ja láhčá dili oažžut buriid gávpogiid ja ealli báikegottiid miehtá riika.

– Mii fertet ráhkadit gánnáhahtti bargguid, innovašuvnna ja fidnohutkama. Ráđđehus vuoruha dál doaimmaid mat nannejit gilvogálgga ja ovdánanvuoimmi guovlluin, dadjá Sanner.

 

Olahus stuora investeremat guovddážis

Ráđđehus bidjá seammás ovdan stáhtalaš bargosajiid lokaliserenplána, mii lea šiehtadallon Gurutbellodagain Stuoradikkis. Ulbmil lea nannet ovdánanvuoimmi doaresbeale báikkiin ja nannet gelbbolašbirrasiid máŋgga báikkis riikkas.

– Stuora investeremat infrastruktuvrii lea áibbas guovddážis doaresbeale báikkiid ovdánanvuoimmis. Differensierejuvvon bargoaddidivat lea gievrramus doaibma, dadjá Sanner.

 

Dieđáhus lea ráhkaduvvon rabas proseassa bokte, masa suohkanat ja fylkasuohkanat, priváhtaolbmot, stuora ja smávva fitnodagat, oahpposuorgi ja miellahtto- ja beroštusorganisašuvnnat leat buktán mearkkašumiid. Buot cealkámušat leat gávdnamis neahtas www.byerogdistrikter.no.

 

 

 

-Almmuhus-