Romssa Universitehta lea ožžon 20 milliuvnna ruvnno dutkat soahtehistorjjá Norggas.
Romssa Universitehta lea ožžon 20 milliuvnna ruvnno dutkat soahtehistorjjá Norggas.
– Soahtehistorjá Lulli-Norggas ja Davvi-Norggas leat guovtteláganat, ja muitalusat dáhpáhusain ja man dehálaš Davvi-soahtešillju lei soađi loahppabohtosii Europas lei, galget dál čuvgejuvvot našunála soahtehistorjjá dutkamis, dadjá Romssa Universitehta historjjá ja oskkudieđa jođiheaddji Fredrik Fagertun.
Alla kvalitehta fágabirrasis
Norgga dutkanráđđi mearridii odne ruhtadit 19,6 milliuvnna ruvnno Romssa Universitehtii dutkanprošektii mii bistá vihtta jagi. Fágabirrasa kvalitehta lei maid Dutkanráđđi deattuhii árvvoštallamis. Njeallje milliuvnna ruhtasupmis lea gávpeolmmái Trond Mohn juolludan dutkamii.
Ovdánahttit gelbbolašvuođa
Ráđđehus ásahii professoráhta vai lokte gelbbolašvuođa nuppi máilmmisoađi birra, ja leat dál addán dutkanbarggu Romssa Universitehtii – Norgga árktalaš universitehtii mii galgá ovttasbargat Suodjalusoahpu instituhtain, NTNU ja Narviksenteriin.
– Mihttu ruhtademiin lea ovdánahttit gelbbolašvuođa dehálaš oasis Norgga historjjás, muitala máhttoministtar Torbjørn Røe Isaksen.
