Oslo Universitehta lágida sierra sámeriektesymposia skábmamánu 22. beaivvi. Duohtavuođa- ja soabahankommišuvnna raporta Stuoradiggái lea guovddáš fádda.
– Samerettssymposiet 2023 lea soabaheami birra man gieđahallo sihke politihkalaš ja lágalaš geahčastagas. Maid leat olahan ja mii galgá dahkkot, lohká Oslo universitehta professor ja fágaovddasvástideaddji lágideamis Kristin Bergtora Sandvik preassadieđu bokte.
Son muitala viidáset ahte oassálastit digaštallet čuovvovaš gažaldagaid:
– Mo sáhttá Duohtavuođa- ja soabahankommišuvnna barggu buohtastahttit eará soabahanvuolggahemiiguin Norggas? Maid ávžžuha raporta? Maid sáhttit oahppat ovddit vásáhusain?
– Jahkečuđiid maŋŋel sámi vuosttaldemiin, makkár evttohusat sáhttet kommišuvnna barggus boahtit dasa mot mii dás duohko galgat?
Symposia lágida Oslo universitehta juridihkalaš goahti. Dán sáhttá čuovvut sihke fysalaččat ja digitálalaččat.
(NTB)
