Dárkkisteaddjit galget iskat čuovvu go geađgeruvkefitnodat njuolggadusaid ja lobiid.
Geassemánu 15.beaivvi dieđihuvvo dárkkisteapmi geađgeruvkkes, ja lea minerálahálddahusa direktoráhtta ovttas Svalbárdda geađgemeaštáriin geat čađahit dárkkisteami. Nu čuožžu reivves maid leat sádden MQ Granite AS fitnodahkii álggus miessemánus.
Mihttu dárkkistemiin lea iskat doalahuvvo go sihkkarastingeatnegasvuohta mii lea minerálalága paragráfa 49:s. Dárkkistuvvo maid earret eará lea go geađgefitnodagas konsešuvdna, ja ahte plánat geađggi viežžama ektui ja sihkkarastin doaibmaplánat čuvvojuvvojit.
Miessemánu 20.beaivvi lea áigemearri fitnodagas sáddet buot dieđuid dárkkisteddjiide.
Dárkkisteapmi galgá bistit sullii njeallje diimmu.
