Dál álggahuvvo gulaskuddan ja álbmotčoahkkin, go áigot hukset ođđa fápmojohtasa mii manná Skáiddis gitta Davvesiidii.
Norgga čázádat- ja energiijadirektoráhtta (NVE) leat ožžon ohcama doaibmalobi ja váikkuhusguorahallama 420 kV hukset fápmojohtasa gaskkal Skáiddi ja Davvesiidda. Repvåg Nett AS lea maid ohcan lobi hukset ođđa fápmojohtasa gaskkal Skáiddi ja Smiervuona dan seamma prošeavtta oktavuođas, dieđiha NVE preassadieđáhusas.
Cuoŋománu 21.beaivvi čađahuvvo álbmotčoahkkin digitálalaččat gos Statnett ja Repvåg Nett áigot almmuhit sin prošeavtta. Gulaskuddamis lea áigemearri miessemánu 14.beaivvi.
Fápmojođas gártá 131 kilomehtera guhku ja guoská Hámmerfeasta, Porsáŋggu ja Davvesiidda suohkaniidda.
