Jus oktage ii fuola girjjiid, de bálkestit Unjárgga girjerájus beali sin 20.000 girjjiin ruskaduvdnái.
Unjárgga girjerádjosis lea vaikko mii girjerádjosis Unjárggas, muhte eanemus lea unnán sadji.
Ollu girjjit
Sis leat badjelaš 20.000 mediat, ja dál áigot earránassii beali dain, danne go lea gárži girjerádjosis.
– Dát lea buorre girjjálašvuohta, klassihkkárat, heajos girjjálašvuohta, divttat, ráiddut, mánáidgirjjit, nuoraidgirjjit, áigečállosat, filmmat ja ollu eará. Bálkestit birrasiid 10.000 mediaid lea stuora bargu, ja danne fertet mii giddet girjerádjosa loahpageahčen miessemánu, čállet sii ruovttusiiddusteaset.
Sáhttet gádjut girjjiid
Ággan go dál juo almmuhit dan birra lea go sin mielas lea váivi bálkestit ná ollu girjjiid, ja danne bovdejit olbmuid boahtit fitnat girjerádjosis ja árpmihit girjjiid mat muđui mannet ruskkaduvdnái.
– Mis lea listtu makkár girjjit galget bálkestuvvot, ja sii geat áigot sáhttet fitnat girjerádjosis čoaggileame girjjiid mat ánssášit joatkit eallima ođđa ruovttus, čállá girjerájus.
