-Almmuhus-
OĐĐASATÁigot ásahit vahát­registara biillaide

Áigot ásahit vahát­registara biillaide

-

-

– Dehálaš leat sihkar ahte biillas eai leat vahágat mat eai leat dieđihuvvon ja mat sáhttet váikkuhit johtolatsihkarvuhtii.

Danne lea Stáda Geaidnodoaimmahat guorahallagoahtán Johtalusdepartemeantta ovddas lea go dárbu ásahit vahátregistara biillaide.

– Dáinna guorahallamiin áigut mii bargat viidáset ovttasráđiid singuin geaidda dat čuohcá, dadjá johtalusministtar Knut Arild Hareide preassadieđáhusas.

Geavaheddjiidráđđi, NAF, Norges Bilbransjeforbund ja Bilimportørenes Landsforening leat guhká váillahan registara gos gávdnojit luohtehahtti dieđut biillaid birra, eandalii dan oktavuođas go olbmot ostet ja vuvdet adnon biillaid. Maŋŋel go Johtalusdepartemeanta lea gulahallan aktevrraiguin, de adde barggu Stáhta Geaidnodoaimmahahkii iskat dárbbu almmuhit roakčanandieđuid ja rievttálaš vuođuid. Dat guorahallan gárvvistuvvui geassemánu dán jagi.

– Ulbmil lea eastadit vuojániid, main leat vahágat ja mat sáhttet váikkuhit johtolatsihkkarvuhtii, ilbmamis adnonbiilamárkanii ja vai dat eai geavahuvvo johtolagas. Stáda Geaidnodoaimmahat árvala viidáset ahte vahátregistaris galget áigeguovdilis dieđut dáhkádusfitnodagain ja divohagain. Dat boahtá nannet johtolatsihkarvuođa, dadjá Hareide.

-Almmuhus-