-Almmuhus-
OĐĐASATÁigi sáddet báhčingeahččaleami duođaštusa

Áigi sáddet báhčingeahččaleami duođaštusa

-

-

Borgemánu 14. beaivvi lea áigemearri sáddet báhčingeahččaleami duođaštusa FeFoi. 

Buohkat, geat áigot bivdit ealggaid Finnmárkkuopmodagas, fertejit duođaštit ahte leat čađahan báhčingeahččaleami. Maŋemus áigemearri dan dahkat, jus leat bivdime Guovdageainnu dahje Kárášjoga bivdeguovlluin, lea borgemánu 14. beaivvi. 

Juohke bivdi sáhttá ieš sáddet báhčingeahččaleami duođaštusa FeFoi. Fuođđoportálas oažžu bivdojođiheaddji bajilgova sáddejuvvon duođaštusain, bivdojođiheaddji siiddus.

Cevzon báhčingeahččaleapmi diimmážis gusto maid 2020/2021 bivdojahkái.

-Almmuhus-