Sápmi Art nammasaš stipeanda addo dáiddáriidda iešguđet surggiin. Dál lea goalmmát jahki go stipeanda juolluduvvo. Submi lea oktiibuot 100.000 ruvnna.
Sápmi Art stipeandda váldoulbmil lea movttiidahttit sámiid geat barget iešguđetlágan dáiddasurggiin. Dat lea maid sidjiide geat leat bargan guhká sin doaimmain. Dat lea maid ulbmil čalmmustahttit sámi kultuvrra.
Dán jagá submi lea lassánan ja juolluduvvojit njeallje gitta ovcci stipeandda. Supmit leat gaskal 40.000 ja 10.000 ruvnna.
Sámi dáiddárat geat barget govaiguin/hábmemiin, dujiin dahje musihkain sáhttet ohcat stipeandda. Maiddai ohccit Norggas ja Suomas sáhttet ohcat stipeandda. Team Lapland lea ásahan stipeandda ja stipeanda geigejuvvo Johkamohki márkaniin 2020. Nu čállet sii preassadieđáhusas iežaset neahttasiiddus.
