-Almmuhus-
SMÁVVAOĐĐASATÁigi boahku­hemiid gaskkas oani­duvvo

Áigi boahku­hemiid gaskkas oani­duvvo

-

-

Ráđđehus lea mearridan ovttasráđiid Álbmodearvvašvuođainstituhtain oanidit vuordináiggi vuosttaš dosas nuppi dosii.

Áigi boahkuhemiid gaskkas oaniduvvo 12 vahkkus 9 vahkkui sidjiide geat leat vuollel 65-jahkásaččat ja geain eai leat vuollálaš dávddat, dieđiha Ráđđehus iežaset neahttasiiddus.

– Mis leat olu boahkut ovddasguvlui. Boahkuheapmi čađahuvvo nu jođánit dál ahte mii sáhttit oanidit áigodaga. FHI oaivvilda ahte dálá buktimiin sáhttit mii olahit dan beavttu maid háliidit, ahte fállat vuosttaš dosa jođáneamos lági mielde, ja nu rievdadit áigodaga 12 vahkkus, 9 vahkkui. Dat sáhttá rievdat jus boahkuid lágideapmi rievdá, lohká dearvvašvuođa- ja fuolahusministtar Bent Høie. 

– Dosarievdadus 12 vahkkus 9 vahkkui ásahuvvo ovttatmano. Mii bivdit dan dihte suohkaniid rievdadit sin diimmuid geat leat ožžon vuosttaš dosa 20. vahkku rájes nu bures go lea praktihkalaččat vejolaš, lohká Høie. 

Sidjiide geat leat badjelaš 65-jahkásaččat, ja sidjiide geain vuollásaš dávddat ávžžuhuvvo ain 6 vahkku áigodat dosaid gaskkas.

-Almmuhus-