Finnmárkku beazis lea dán jagi siepmanjahki. Vuovdesiepmanásahus lea danin dieđihan dál lea áigi čoaggit bihcabáhcahiid dihto guovllus Báhčaveajis Mátta-Várjjaga gielddas. Dál ohcet bihcabáhcatčoggiid.
Go mii njeaidit muoraid vuovddis, de galgat maid ođđa vuovddi gilvit. Jus galgat nagodit buvttadit vuovdešattuid, de dárbbašat siepmaniid main lea buorre kvalitehta ja mat heivejit dálkkádaga ja šaddanbáikki ektui, čállá Romssa ja Finnmárkku Stáhtahálddašeaddji preassadieđáhusas.
Dán jagi leat olu bihcabáhcahat beazis. Vuovdesiepmanásahus lea iskan siepmana hivvodaga ja šaddannávcca ja gávnnahan siepmanis lea buorre kvalitehta dan hárrái. Danin lea mearriduvvon ahte Báhčaveajis álggahuvvo bihcabáhcatčoaggin guovvamánu gaskamuttus. Buhtes, rabakeahtes Báhčaveaji beziid bihcabáhcahiid mat leat čoggon dihto mearriduvvon guovllus mákset 85 kruvnna kilos.
– Jus dus leš miella čoaggit bihcabáhcahiid, válddes oktavuođa Pasvik biovarme fitnodaga beaivválaš jođiheddjiin Kenneth Løvbergain gii fuolaha bihcabáhcat čoaggima, čállá Romssa ja Finnmárkku stáhtahálddašeaddji.
