-Almmuhus-
SMÁVVAOĐĐASATÁiggut go geahččat go mánnu sevnnjoda? 

Áiggut go geahččat go mánnu sevnnjoda? 

-

-

Árra iđida bearjadaga skábmamánu 19. beaivvi lea astronomalaš dáhpáhus davvin, go láđasmánnu sevnnjoda measta oálát. Máilmmi suoivvanas gokčá measta olles mánu, nu ahte dušše golbma proseantta mánus galgá oidnot. Dat oidno almmis oarjjadavábealde min diibmu 08.18 rájes ja lea buot seavdnjadeamos diibmu 10.03. Nu muitala Romssa universitehta professor Steinar Thorvaldsen iežaset neahttasiiddus. 

– Go mánnu lea nu vuollin dalle, de várra sáhttá govvet buriid govaid main oidnojit sihke várit ja muorat, dadjá Thorvaldsen. Son muitala ahte Romssas gal jávká mánnu almmiravdda vuollái moadde minuvtta maŋŋel go lea buot seavdnjadeamos, muhto davimusas Finnmárkkus gal ii jávkka oalát, muhto johtá siivvožit meara bajil ovdal go fas čuvggoda ja loktana.

UiT áigu rávdnjet dán almmi dáhpáhusa.

Ođđajagemánu 31. beaivvi lei maŋemus go lei dan mađe jealahas oaidnit mánnosevnnjodeami. Boahtte háve go measta oalát sevnnjoda ja oidno Norgga nannámii, lea jagis 2025. Oalát ii sevnnjot ovdal go ođđabeairuohta 2028 nu ahte oidno Norgii olles dáhpáhus. 

-Almmuhus-