Nuorra gánda vulggii veahki viežžat go guokte ustiba bártideigga, muhto gárttai buohccevissui ieš maid.
Gielddaváris Hámmárfeastta suohkanis šadde golbma gándda bárttiide. Okta go vulggii veahki viežžat. Gánddat ledje vuojašeamen geahppa-MC:in. Guokte gándda ribaheigga eret luottas goabbat ge sajis, goappašat roasmmehuvaiga.
Goalmmát gánda vuoddjái veahki viežžat, muhto vujii doaresbeallái ja bártidii ieš maid. Gánddat leat gaskal 16- ja 18-jahkásaččat. Buot golmmas šadde buohccevissui, muhto eai leat roasmmehuvvan garrasit, čállet politiijat Twitteris.