-Almmuhus-
OĐĐASATÁiggošii láhčit buoret dili Barentsnuoraide

Áiggošii láhčit buoret dili Barentsnuoraide

-

-

Mo váikkuhit, nannet ja ovdánahttit boahttevaš politihkkáriid ja Barentsnuoraid lei váldodigáštallan Barentsdeaivvadeamis.

Barentsgeardi leat čoagganan Lulejui ávvudit 25-jahkásaš ovttasbarggu ja gulahallama.

– Mo sáhttit mii loktet min fiinna Barentsnuoraid, jearai fylkkasátnejođiheaddji iežas rahpansártnis.

Fylkkasátnejođiheaddji Ragnhild Vassvik lei mielde rahpamis ávvulágideami. Lágideapmi čohkkii 150 nuora miehtá Barentsregiovnna ovdánahttit ođđa jurdagiid mo váikkuhit, nannet ja ovdánahttit regiovnna boahtteáiggis.

 

–Mo loktet Barentsnuoraid?

Barentsovttasbargu, nu mo mii dovdat dan dál, álggahuvvui 1993:s, go Ruoŧa, Norgga, Suoma ja Ruošša olgoriikaministtarat deaivvadedje Girkonjárggas. Barentsregiovdna fátmmasta 14 fylkka Davvi- Norggas, -Ruoŧas, -Suomas ja davveoarje Ruoššas.

Iežas rahpansártnis čujuhii fylkkasátnejođiheaddji Ragnhild Vassvik muhtun hástalusaide mat mis leat, earret eará boarásnuvvagoahtán álbmot regiovnnas.

– Mo galgat loktet min fiinna Barentsnuoraid, mo galgat mii sihkkarastit ahte maiddái min nuorat besset váldit lunddolaš oasi ovdáneamis, jearai fylkkasátnejođiheaddji.

 

Digaštallan boahtteáiggi birra

Digaštallan juhkkui golmma oassái; biras, ekonomiija ja sosiála ovdáneapmi.

Šattai digaštallan mo nuorat Barentsregiovnnain galget hábmet iežaset boahtteáiggi.

Juoga mii deattuhuvvui, lei dárbu buriid oahppovejolašvuođaide ja gelddolaš bargosajiide.

 

Ávkkálaš

Finnmárkku fylkkagielda ásahii 2017:s sierra fylkkanuoraidráđi juste fal láhčit buoret dilii nuoraide politihkalaš áŋgiruššamii.

Áltálaš Mads Suhr Pettersena mielas, gii oassálastii fylkkanuoraidráđi ovddas, lei hui ávkkálaš ja sáhtii konstateret ahte leat olu oktasaš vejolašvuođat ja vástalusat rájáid gaskka, mii dagaha oktasaš kultuvrra.

– Ahte láhččo dilli oktasaš deaivvadanbáikkiide gos beassá digaštallat lea máilmmi dehálaš, dadjá Pettersen preassadieđáhusas.

 

-Almmuhus-