-Almmuhus-
-Almmuhus-
-Almmuhus-
OĐĐASATÁiggošii gulahallat gáktegeavaheami ja gávtti ođasmáhttima birra

Áiggošii gulahallat gáktegeavaheami ja gávtti ođasmáhttima birra

-

-

Gáldu lágida gulahallančoahkkima gáktegeavaheami birra Duodjemárkaniin Guovdageainnus man gohčodit GULAHALLAN.

Gulahallančoahkkimiiguin áigu Gáldu lágidit eahpeformálalaš ságastallama áigeguovdilis fáttáid birra sámi guovlluin, mat gusket álgoálbmotvuoigatvuođaide ja sámi vuoigatvuođaide.

Duodjemárkaniid oktavuođas lávvordaga skábmamánu 28.beaivvi dii. 15 lágida Gáldu gulahallama gos fáddá lea gáktegeavaheapmi ja gávtti ođasmahtten.

 

Árbevirolaš ja ođasmahttojuvvon

Gáldu álggaha oanehaččat muitalit riikagaskasaš konvenšuvnnaid birra mat suodjalit árbevirolaš duoji. Abanti designa eaiggát, Ánne Biret Anti, galgá muitalit gáktegeavaheami ja ođasmahttima birra. Árbevirolaš duojár, Elle Máret Eira, maid ovdanbuktá iežas oaiviliid seamma áššis. Loahpas muitala Duodjeinstituhta direktevra, Iŋgá Hermansen Hætta, iežaset doaimma birra ja erenoamážiid duodjemearkka birra. Maŋŋel sáhkavuoruid rahppo ságastallan buohkaide.

 

Boahtte jagi almmuhit bohtosiid

Bohtosat GULAHALLAN čoahkkimiin čohkkejuvvojit Gáldu gihppagii mii almmuhuvvo boahtte jagi mielde. Gihppagat leat heivehuvvon buot min ulbmiljoavkkuide ja sáhttet maid čalmmustahttet dehálaš fáttáid maid lea dárbu eambbo dutkat.

-Almmuhus-