Eanandoallo- ja biebmodepartemeanta sihtá biebmobearráigeahču heivehit ođđa teknologiija mii veahkeha guođoheami. Biebmobearráigeahčču lea cuiggodan ahte NoFence geavaheami ferte bissehit.
Eanandoallo- ja biebmodepartemeanta sihtá biebmobearráigeahču heivehit ođđa teknologiija mii veahkeha guođoheami. Biebmobearráigeahčču lea cuiggodan ahte NoFence geavaheami ferte bissehit.
Máŋggaid jagiid leat geahččalan elektrovnnalaš čeabetbátti mas lea GPS mii veahkeha oaidnit gos eallit leat ja ráddjet guovlluid gos guohtun lea, nu ahte ii leat dárbu cegget áiddiid (NoFence).
– Lea hui miellagiddevaš movt ođđa teknologiija ovdáneapmi sáhttá buoridit guođoheami, muitala eanandoallo- ja biebmoministtar Jon Georg Dale.
Bearráigeahčču sihtá bissehit
Biebmobearráigeahčču lea lohkán ahte ii leat vuos duođaštuvvon ahte čeabetbáddi lea heivehuvvon elliid čálggu ektui. Bearráigeahčču lea cuiggodan ahte NoFence geavaheami ferte bissehit.
– Elliid čálgu lea vuoruhuvvon. Guođuheapmi meahcis lea buorre elliide ja viessoelliide. Lea dehálaš ahte Biebmobearráigeahčču heiveha ođđa teknologiija vai sáhttá geahččaluvvot Norggas ja iskat ja duođaštit elliid čálggu dainna, dadjá eanandoallo- ja biebmoministtar.
Sádden reivve bearráigehččui
Departemeanta lea reivvestis biebmobearráigehččui čakčamánu 2.beaivvi sihtán vuđoleappot dieđuid Biebmobearráigeahču árvvoštallamiin dán áššis, ja deattuhan ahte biebmobearráigeahčču ferte heivehit čovdosiid mat leat dehálaččat, vai gávnnahit lea go NoFence dohkálaš elliide, čállá Eanandoallo- ja biebmodepartemeanta neahttasiiddus.
