-Almmuhus-
SMÁVVAOĐĐASATÁiggoše NATO ja EU fárrui guhkidit ruovde­mađija Finn­márkui

Áiggoše NATO ja EU fárrui guhkidit ruovde­mađija Finn­márkui

-

-

Ođđa fitnodat Jernbane Nord AS lea ásahuvvon Romsii vai hoahpuhivččii ođđa ruovdemađija huksema Fuoskku ja Finnmárkku gaskka. 

Ovdal geasi áigu fitnodat virgádit unnimusat golbma fágačeahpi ruovdemáđii suorggis. Sii galget ovttas báikkálaš ja guovllu eiseválddiiguin oažžut leahtu ruovdemáđija huksemii Fuoskku ja Finnmárkku gaskii. Nu čállá Klassekampen. 

– Mihttu lea oažžut juolludeami Nationála johtolatplánas 2025. Dán ruovdemáđija leat Norggas digaštallan birrasiid 60 jagi. Dan bottas leat Ruoŧas gárvvistan measta 400 kilomehtera guhko ruovdemáđija Davvi-Ruoŧas, dadjá Jernbane Nord AS stivrra nubbijođiheaddji Terje Traavik.

Traavik lea ovdal jođihan Romssa suohkana ruovdemáđilávdegotti ja lohká leat beahtahallan go Stuoradikki johtolatlávdegoddi 2019:s celkkii ahte Davvi-Norgga bána ii leat dohkálaš servodatekonomiija dáfus. Muhto son ii áiggo vuollánit, ja dál sávvá son ja eará ruovdemáđiiáŋggirdeaddjit ahte sihke EU ja NATO, suohkanat, fylkkat ja ráđđehus dorjot sin ain rahčamis dan ovddas.

Sii lohket Hurdalsplattforpma addit ođđa doaivaga huksemii. Reviderejuvvon našunálabušeahtas lea várrejuvvon dán guorahallanbargui 20 miljovnna ruvnno.

(©NTB)

-Almmuhus-