Badjel bealli norgalaččain oaivvildit ahte mánáidoadju galggašii lasihuvvot.
Varas iskkadeapmi mánáidgeafivuođa birra čájeha ahte 60 proseanta norgalaččain oaivvildit ahte mánáidoaju galggašii lasihit. Iskkadeapmái maid Respons Analyse lea čađahan Redd Barna ovddas serve 1000 olbmo.
– 60 proseanta dáhtoše lasihit mánáidoaju, 22 proseanta jerrojuvvon olbmuin leat eahpesihkkarat galggašii go dan dahkat. 1 proseanta jerrojuvvon olbmuin oaivvildit mánáidoaju supmi galggašii vuoliduvvot, muitala Redd Barna generálačálli Birgitte Lange E24 neahttaaviisii.
Heajos dienas
Statihkalaš Guovddášdoaimmahaga maŋemus loguid mielde, mat leat 2019 logut, čájehit ahte 11.7 proseanta norgga mánáin ellet dállodoalus mas lea guhkit áigge badjel heajos dienas.
Redd Barna iskkadeapmi maid čájeha ahte eanas olbmot eai dieđe man olu mánát ellet geafivuođas.
– Lea duođalaš go okta juohke logát mánás šaddá bajás geafivuođas, ja lohku lea lassánan maŋemus guoktelogi jagis. Dasa lassin ballat mii ahte boahtte jagi, go korona-jagi logut almmuhuvvojit, easka boahtá stuora šohkka, lohká Lange.
(©NTB)
