Unjárgga gielda háliidivččii báikenamaid iežaset suopmanii, muhto Báikenammanevvohat ii mieđašii dasa.
Unjárgga gielda háliidivččii báikenamaid iežaset suopmanii, muhto Báikenammanevvohat ii mieđašii dasa.
Gielda lea válljen ođđa čujuhusnamaid, muhto muhtin namat eai leat virggálaččat dohkkehuvvon.
Ášši ceggen
Davvisámegiela Báikenammanevvohat cealká ahte báikenamat fertejit leat virggálaččat dohkkehuvvon jus galget sáhttit geavahuvvot čujuhusnamman.
Danne leat ge muhtin namaide álggahan nammaášši, mas cealkináigi lea 14.11.2017 rádjái.
Ii buot sáhte botnjat
Almmolaš namat nugo Njiđggugáddi ja Sirddagohppi, hálidivččii gielda čállit Njiđgogádde ja Sirddagohppe.
Báikenammanevvohat ii suovašii dieid namaid botnjat suopmanii ja čuoččuha namaid berret čállit -gáddi, ja -gohppi.
..muhto suopman gal maid dohkke
Unjárgga suopman beassá goitge oidnosii muhtin čujuhusain, go čállinnjuolggadusat dohkkehit muhtin čállinvugiid.
Gorgŋehat ja Rissebákti, daid čálášii gielda baicca Gorgŋetak ja Rissebávti. Dieidda suopmanvariánttaide mieđašii lávdegoddi.
