-Almmuhus-
OĐĐASATÁiggoše bivdit eret ja registreret ruoššaluosaid

Áiggoše bivdit eret ja registreret ruoššaluosaid

-

-

Romssa ja Finnmárkku fylkkamánni ballá dán jagi ollu ruoššaluosaid jogain, earenoamážit nuorta Finnmárkkus. 

Jagis jahkái leat stuora erohusat man ollu ruoššaluosat Norgga jogain goddojit.

Jogat nuorta-Finnmárkkus leat dat čázádagat gos eanemus bártidit ruoššaluosain, sihke man dávjá ja man ollu dat leat.

Maŋemus jahki go ollu ruoššaluosat registrerejuvvojedje Norgga vuonain ja jogain lea 2017:s, ja 2018 giđa ges registrerejuvvo ruoššaluosaveajehat jogain, ja dat duođašta ahte gođđin lihkostuvai 2017:s. 

Go ruoššaluossa eallá guokte jagi, de ballá fylkkamánni ahte dán oaggunáigodaga leat ollu ruoššaluosat jogain. 

Ovddit jagiid leat ruoššaluosat vuodjagoahtán jogaide suoidnemánu álggus, gitta borgemánu gaskamuddui ja orrot jogas dassážii go gođđet, ja de jápmet maŋŋel gođđama.  

-Almmuhus-