-Almmuhus-
-Almmuhus-
OĐĐASAT Áibmosuodjalus hárjehallá

Áibmosuodjalus hárjehallá

-

-

Áibmosuodjalus dieđiha preassadieđáhusas ahte Norggas lea dál dán jagáš dehálamos hárjehallan «Øvelse Nordavind».

Vahkku 36 ja 37 čađaha Áibmosuodjalus F-16 jagergirdiiguin Øvelse Nordavind Nordlánddas, Romssas ja Finnmárkkus sihke beaivit ja eahkedis.

– Lea erenoamáš dehálaš hárjehallan soahtegirdinávccaid ektui. Mii háliidat čohkket iežamet návccaid ja hárjehallat daid osiid mat leat čatnon riikka suodjaleapmái ja riikkaidgaskasaš beroštupmái, lohká 132 luftving hoavda, oberst Aage Lyder Longva.

 

Son muitala ahte dán hárjehallamis, de lea sirdán bargoveaga ja ávdnasiid Bánáhii Porsáŋgui.

Váldooassi hárjehallamis čađahit Áibmosuodjalanbáikkis Bådådjos.

- Advertisement -
-Almmuhus-