-Almmuhus-
-Almmuhus-
OĐĐASATÁibmo­luođat gávdnon bohccuin – SSR gáibida ráđđehusa reageret

Áibmo­luođat gávdnon bohccuin – SSR gáibida ráđđehusa reageret

-

-

Dál gáibida Ruoŧa Sámi Riikasearvi (SSR) ahte ovddasvástideaddji ministarat reagerejit go boazodolliide lea šaddan árgabeaivin gávdnat bohccuid mat leat suoli báhččojuvvon ja biidnašuvvan.

Dán čavčča gárddastallamiid oktavuođas leat máŋga miellahtu váldán oktavuođa SSR:in ja muitalan ahte sii leat gávdnan bissoluođaid bohccuin go leat njuovvan.

– Leat gávdnon áibmobissoluođat ja dábálaš luođat bohccuin. Leat maid gávdnan bohccuid mat leat lápmašuvvan luođaid geažil. Leat maid gávdnon bohccot main leat dakkár hávit ahte mii navdit beatnagiid gaikkodan daid. Lea olles listu man ollu ja guđe ládje bohccot leat giksašuvvan, muitala SSR ságadoalli Matti Blind Berg NSD:i.

Dál lea SSR álgán dokumenteret ja čohkket sisa buot dieđuid dakkár vahágiid birra.

– Jurdda lea čájehit daid dieđuid ja dokumeanttaid departementii ja ministariidda geaidda dat gullá. Mii fertet čájehit ahte dat lea váttisvuohta mainna lea bággu bargagoahtit ovdal go šaddá vel vearrát. Lea stuora riska ahte dat váttisvuohta vearáska jus dainna ii daga dál maidege. Mis leat ollu stuora áššit maiguin mii galgat bargat ovddosguvlui ja mat sáhttet váikkuhit eanetlohkoservvodaga ja boazodoalu gaskavuođaid, dadjá Blind Berg.

-Almmuhus-