-Almmuhus-
OĐĐASATÁhpeheamit ja nuorat fertejit boahkuhuvvot dál

Áhpeheamit ja nuorat fertejit boahkuhuvvot dál

-

-

Eiseválddit bidjet lassii návccaid oažžut olbmuid risikojoavkkuin váldit boahkuheami.

Maŋemus jagiid leat eiseválddit bargan dan nammii ahte oažžut eanet olbmuid boahkuhit iežaset.  Dán jagi fuomášuhttet áhpehis nissonolbmuid ja muđui nuoraid risikojoavkkuin. Forskning.no čállá ahte áiggoše oažžut unnimusat 75 proseantta sis geat leat risikojoavkkuin váldit boahku. 

Diimmá dálvvi lei 28 proseantta olbmuin boahkuhuvvon, čájehit Statistihkalaš Guovddášdoaimmahaga logut.

Máná suddjet

Áhpehis nissonolbmot berreše boahkuhuvvot go influeansa sáhttá váikkuhit garraseappot go lea áhpeheapme ja sáhttá maid leat várálaš njuoratmánáide. Earret eará lea stuorit riska jápmit riegádeamis. Jus boahkuha, de dat suddje máná vuosttaš áiggi.  

-Almmuhus-