Vuorraset nissonolbmot, geat leat badjel 65-jahkásaččat, plánejit eanemusat golahit juovlaskeaŋkkaide dán jagi. Mánát ja mánáidmánát ožžot daid divraseamos skeaŋkkaid.
Vuorraset nissonolbmot, geat leat badjel 65-jahkásaččat, plánejit eanemusat golahit juovlaskeaŋkkaide dán jagi. Mánát ja mánáidmánát ožžot daid divraseamos skeaŋkkaid.
Vuorrásat, geat leat badjel 65 jagi boarrásat, plánejit guhte ge golahit 7300 ruvnno juovlaskeaŋkkaide dán jagi. Sii, geat leat gaskal 55 ja 64 jagi boarrásat, lohket geavahit 6400 ruvnno, ja gaskal 45- ja 54-jahkásaččat fas 6600 ruvnno.
Smávvamánnábearrašat, gaskal 35- ja 44-jahkásaččat, lohket áigut golahit 5400 ruvnno guhte ge, ja sii geat leat vel nuorat, gaskal 25- ja 35-jahkásaččat, lohket golahit 4700 ruvnno skeaŋkkaide.
Nuoramusat lohket geavahit 3600 ruvnno, čájehit iskkadeami logut maid Respons Analyse lea dahkan DNB ovddas.
Sáhttet ollu skeaŋkkat gártat juovlabeazi vuollái
– Sii geat leat boarrásepmosat, skeŋkejit buot eanemus, ja nissonat addet eanet go dievddut. Oktiibuot addá áhkku ja áddjá oktiibuot 3462 ruvnno gaskamearálaččat juohke mánnái ja mánáidmánnái. Mađi eanet mánát ja mánáidmánát leat, dađi eanet stuorru dát ollislaš supmi, muitala DNB geavaheaddjiekonoma Silje Sandmæl.
Jiellahat
Mađi stuorát dienas, dađi eanet áigot olbmot golahit mánáide. Muhto dat ii leat seamma áhkuide ja ádjáide. Leat sii geain lea gaskamearálaš dienas geat golahit eanemusat mánáidmánáide.
– Sáhttá go leat nu ahte muhtimat dovdet bággun addit fiinna, divrras skeaŋkkaid, dahje ahte eai atte nu ollu go earát?
– Sáhttá dieđusge leat nu, muhto jáhkán ahte lea árvvasvuohta go áhkut ja ádját háliidit jiellahallat mánáidmánáid veahá, go sis lea veahá ráđđi dahkat dan. Dat lea joavku mii veahkeha mánáid ja mánáidmánáid eambbo, erenoamážit go leat ásahandásis, lohká Sandmæl.
Oastinbággu
Sandmæl rávve áhkuid ja ádjáid jurddašit veahá maid addet, ovdalii go oastit ovtta ja nuppi skeaŋkka vai olahit supmi man leat jurddašan.
– Mánát heavganit juovlaskeaŋkkaide juovlaruohta. Lean maid gullan mánáid birra geat eai báljo gille šat rahpat skeaŋkkaid go leat nu ollu skeaŋkkat rabadit. De ii lea šat illu daiguin skeaŋkkaiguin. Nu ahte čoavddus sáhttá leat unnidit skeaŋkalogu, ja sáhtášii maid juohkit ruđa dakkár diŋgii man sii leat sávvan dahje juo sin boahtteáigái, lohká Sandmæl.
Vaikko vuorraset olbmot dihtet bures maid sii dahket ja masa sis lea ráđđi, de dovdet oastinbákku ja eambbogat livčče háliidan juovllaid skeaŋkkaid haga.
(©NTB)
