Almmái 50-jagiin lea dubmehallan máksit iežas niidii 3,4 miljovnna ruvnnu buhtadussan maŋŋel go lea roavvát illástan nieiddas seksuálalaččat.
Romssa almmái dubmehalai diimmá čavčča giddagassii logi ja bealle jahkái rohcošemiid ovddas. Veagalváldimat gevve logi jagi badjel, dan rájes go nieida lei unni, ja dan rádjai go váldui gitta 2018:s, čállá Nordlys.
Davvi-Romssa diggegoddi dubmii áhči, gii dál lea 52 jagi, máksit niidii 3,4 miljovnna ruvnnu buhtadussan vahágiidda maid lea dahkan sutnje.
Nieida čilgii diggái ahte áhčči dávjá veagalválddii su ihkku ja bijai gokčasa oaivvi badjel go dan barggai.
