-Almmuhus-
MAGASIIDNAAgnete searvá fas dovddus gilvui

Agnete searvá fas dovddus gilvui

-

-

Agnete Johnsen galgá fas searvat dovddus gilvui ovttas guvttiin earáin beakkán davvi-norgalaččain, dán háve 71° nord, man TVNorge lágida.

«71° nord – Norgga čaffadeamos beakkálmas» ođđa ráidu galgá sáddejuvvot TVNorges boahtte giđa. Dán háve leat mielde golbma dovddus davvi-norgalačča, namalassii Agnete Johnsen, Kristin Størmer Steira ja Erlend Elias Bragstad. Agnete Johnsen leage ovdal searvan «Stjernekamp» (NRK), mas son bođii nuppi sadjái, ja «Skal vi danse» (TV2) gilvui, man son vuittii diibmá.

 

Eará gilvaleaddjit

Earát geat leat mielde, leat Anders Jacobsen (ovddeš sabetnjuikejeaddji), Thomas Ulsrud (curling), Hans Petter Buraas (ovddeš alpinčierasteaddji), Jonas Kinge Bergland (komihkkár ja doavttir), Siri Kristiansen (rádioprográmma doaimmaheaddji ja komihkkár), Ann Kristin Flatland (báhčinčuoigan) ja Cathrine Larsåsen (stávránjuikun).

 

Artisttat falástalliid vuostá

– Mii leat hui duhtavaččat go ná fiinna beakkálmasaid leat ožžon searvat gilvomátkái. Lea suohtas go artisttat ja komihkkárat galget gilvalit garra falástalliiguin. Dovddus 71° nord-hámiin besset sii čájehit searaid garra gilvvuid bokte miehtá min guhkes riikka, dadjá TVNorge ja Discovery Networks prográmmadirektevra, Eivind Landsverk.

 

481 000 geahčči mannan háve

71° nord mannan áigodaga čuvvo sullii 481 000 geahčči, mii lea TV-ráiddu ođđa olahus. Eanemusat gehčče 558 000 olbmo dán ráiddu mannan áigodagas. 71° nord čihččet áigodaga filbmen álggii Lindesnesas čakčamánu 2. beaivvi.

Ovddeš vuoitit leat Harald Martin Brattbakk, Pål Anders Ullevålseter, Didrik Solli Tangen, Christer Basma, Olaf Tufte ja Bjørn-Einar Romøren.

-Almmuhus-