-Almmuhus-
OĐĐASATAgnete ja Naima jođiheaba NRK sáddaga

Agnete ja Naima jođiheaba NRK sáddaga

Journalista

-

-

NRK:s lea diibmosaš sátta eahkes Sámi álbmotbeaivvi, dii. 20.00–21.00.

Dalle bovdeba prográmmajođiheaddjiguovttos Agnete Saba ja Naima Khan Nergård ávvudit álbmotbeaivvi Kárášjoga studios, gos KORK (Sáddahatorkester) lea fárus fásta čuojahanjoavkun.

NRK čállá preassadieđáhusas ahte studioguossin lea earret eará filbmabagadalli Ole Giæver, gii lea ráhkadan filmma «Ellos eatnu». Prográmmas lea maid earret eará goahkka gii boahtá NRK:i čájehit maiddái TV-gehččiide makkár njálgga herskkuid son fállá. Ja go dán jagi lea 30 jagi áigi go sámi álbmotbeaivi ávvuduvvui vuosttaš geardde, čállet sii ahte lea lunddolaš geahčastit maŋás ja čájehit gehččiide movt ávvudeapmi čađahuvvui 1993:s.

Gaskkohagaid sáddagis bohtet dearvuođat ja oasážat miehtá Sámi, mat čájehit movt sihke mánát ja rávisolbmot ávvudit beaivvi dál go viimmat fas besset čoahkkanit doaluide!

– Ovddeš Stjernekamp-oasseváldi Vegard Bjørsmo searvá maid áibbas ođđa, iežas čállin lávlagiin, šaddá albma joikebattle studios ja mii beassat oaidnit ja gullat Blime-lávlaga girjás ovdanbuktimiin – Ole Henrik Lifjellain ovttas skuvlamánáiguin, čállá NRK. 

-Almmuhus-