-Almmuhus-
-Almmuhus-
-Almmuhus-
KULTUVRAAgnete ii beassan finálii

Agnete ii beassan finálii

-

-

Dán áššis rapporteret Eurovision Song Contest nuppi oassefinálas, gos Agnete gilvala beassat lávvardaga finálii. Agnete lei 15. artistan lávddis, álggus ii lean nu buorre jietna.

Dát lávlot 2. oassefinálas:

Latvia: Justs – «Heartbeat»

Polen: Michał Szpak – «Color Of Your Life»

Šveica: Rykka – «The Las Of Our Kind»

Israel: Hovi Star – «Made of Stars»

Vilgesruošša: IVAN – «Help You Fly»

Serbia: Sanja Vučić ZAA – «Goodbye (Shelter)»

Irland: Nicky Byrne – «Sunlight»

Makedonia: Kaliopi – «Dona»

Litauen: Donny Montell – «I’ve Been Waiting For This Night» Australia: Dami Im – «Sound Of Silence»

Slovenia: ManuElla – «Blue And Red»

Bulgaria: Poli Genova – «If Love Was A Crime»

Danmárku: Lighthouse X – «Soldiers Of Love»

Ukraina: Jamala – «1944»

Norga: Agnete – «Icebreaker»

Georgia: Nika Kocharov and Young Georgian Lolitaz – «Midnight Gold»

Albania: Eneda Tarifa – «Fairytale»

Belgia: Laura Tesoro – «What’s The Pressure»

De álge gilvvut Globen Arenas Stockholmas.

Ávvira reportár báikkis Silje Malene, muitala issoras eallima Globenis.

– Dán rádjai orro Israel ožžon eanemus beroštumi gehččiiguin, muitala Varsi.

Israel lávllui njealljádin.

– Irlánda ja Litauen leat garra gilvaleaddjit Israelii, geahččit liikojedje sidjiide, muitala Varsi.

Maŋŋil go Australia lávllui, de muitala Varsi ahte dán lávlagii maid liikojedje geahččit hui sákka.

Australia lea okta vuoitinfávorihtain dán jagi, dát riikka rievtti mielde ii oččošii searvat Eurovision-gilvvuide go eai gula Eurohpái, muhto Australia álbmot nu sákka liiko gilvvuide ahte ánuhedje beassat mielde.

Danne leat sii beassan oassálastit diibmá ja dán jagi.

 

Bulgaria lea maid okta dán jagáš fávorihtain. Poli Genova lávlla «If love was a crime» lea dakkár mas lea hui leaktu ja man mielde sáhttá dánsut.

 

Agnete lei 15. artista lávddi alde. Álggos dovdui sus jietna doarggisteamen, iige lean áibbas «ráinnas» jietna, soittii leat balus.

Maŋŋil vuosttaš refreaŋŋa liegganii, ja das rájes lávllui bures. Vuosttaš refreaŋŋa maŋŋil álge muhtimat doaškut gieđaid, doarjut su.

– Ii lean nu buorre responsa Agnete lávlagii Globenis, eai biškon nu máŋggas. Soaitá liikká sáhttit beassat finálii, muhto dat ii leat nu sihkar, rapportere Ávvira reportár Stockholmas.

Dán filmmažis oainnát ahte ii lean nu eallin Globen Arenas maŋŋil go Agnete gearggai lávlumis:

 

Filmmas gitta bajimusas oainnát Agnete Greenroomas dan botta go su lávlla čuojahuvvoi ođđasit

 

Jienasteapmi

Dál leat buot riikkat lávlon, dál sáhttá jienastit, muhto ii sáhte iežas riikka oasseváldi jienastit. Dál lea vuordit bohtosiid.

Geahččit eai beasa diehtit geat ožžo eanemus jienaid, dan logis geat besset viidásat lávvardaga finálii.

 

Agnete ii lihkostuvvan

Latvia, Bulgaria, Georgia, Australia, Ukraina, Serbia, Polen, Israel, Litauen ja Belgia čurvojuvvo maŋŋálaga, sii besse viidásat. Nu čielggai ahte Norga ja Agnete ii beassan finálii, ja nu ii lávllo son finálas lávvardaga.

Olusat ledje ge ovdalgihtii ballan ahte son ii beasa finálii go lea nu jávkosis leamaš dan botta go ráhkkanii oassefinálii.

Lea vuosttaš geardde viđa jahkái go Norga ii leat olahan Eurovision finálii.


Dás oidnojit jeđđemin Agnete go čielggai ahte ii beasa lávlut «Icebreaker» lávvardaga Eurovision finálas. Govven: Silje Malene Varsi

 

 

Ávvir ođasta ášši dađistaga.

 

 

-Almmuhus-